Loy

حرامي نسل

11.10.2011 05:59

د ګران ملګري او يار انسان محمدیار یار ښکلی شعر، چې زما یې اوښکې تويې کړې، له تاسې سره شريکوم.

حرامي نسل


=======


زه د نفرت او کرکې د ناروا اړيکو

يو نا مشروع او حرامي نسل یم

زه د خالق د کرم ځری او بڅری نه یم

د پلار او ورور رشته منحوسه ګڼم

د ورور ناموس مې لا د وخته دی ليلام ته وړی

د خور عزت باندې مې سل دلالان وګرځول

د مور جامې مې د هغې په تن کې

د تقدس پر سوداګرو باندې خرڅې کړلې

دوست او قریب مار او لړم دی زما

یار و دلدار، جبر و ستم دی زما

زه بنیادګر، د بدرنګۍ د یوې داسې ماڼۍ

چې د زرو انقلابونو د توپان غضب یې

يوه ذره هم لړزولای نه شي

ما مې د خپلو دلدارانو د ارام جونګړې

د خپل غرض په جهنم کې داسې غرقې کړلې

چې بیا به کله یې پر غولي هم ذره موسکا څرک ونه وهي

ګوره!

حیا، شرم، عفت او مقدس لفظونه

راته پرمخ د اوبو کرښې اېسي

او د انسان د نامه وږی نه یم

دا ځکه،

زه یو نامشروع او حرامي نسل یم

 

عبدالاحمد محمدیار


ستاسو تبصره


لطفاً لاندې افغانستان په انګليسي تورو وليکئ.
Rafiullah Stanikzai | Create Your Badge
د رفیع الله ستانکزي پاڼه - اړيکشمېره: 93700308908 + برېښليک: rafiullah.stanikzai@gmail.com