Loy

د کاروان غزل

15.04.2008 08:17

تقدس دې په ليمو کې، د څلورو کتابونو

عشق مې ستاله مخه زده کړ،نه له نوروکتابونو

طالبانو مې د سترګو،بوراګانو غوندې لوستې

د غنچو اودګلونو، په سمسورو  کتابونو

شپه او ورځ دې يادومه،باب دمخ او باب د څڼو

څه په سپينو کتابونو ، څه په تورو کتابونو

دسپوږمۍپيغلې کوډګرې دوصال تاويز يې راکړ

چې يې پټ را نه ساتلی،ستا د ستورو کتابونو

ما د خيال په چاودو شونډو،د بوسې سندرې لوستې

ستا د ګرمو ګرمو شونډو د ټکورو کتابونو

ملايان به دې کافر کړي،منصوري غزلې وايې

لږ خو ﻻس واخله کاروانه،له سرزورو کتابونو

www.srohi.com

 پيرمحمد کاروان

Rafiullah Stanikzai | Create Your Badge
د رفیع الله ستانکزي پاڼه - اړيکشمېره: 93700308908 + برېښليک: rafiullah.stanikzai@gmail.com