Loy

اخ

24.07.2008 13:28

اخ

اخ دا نوم دې څومره خوُږ  دی

ټول له شاتو نه جوړ شوی

د قدرت نخښې په کې دي

کايناتو نه جوړ شوی

*****

يو زاهد لره محراب دی

يو رند لره شراب دی

نوم دې مالره جانانه

د خوږې مينې کتاب دی

****

د نوم تورو دې نشه کړم

له شرابو راوتلي

ډير دي ښکلي ، ډير دي ښکلي

له ګلابو  راوتلي

****

د نوم تورو نه دې ځار شم

خوږ الهام  يې دی راوړی

زما دزړه مارغه يې ونيو

د عشق دام يې دی راوړی

****

نوم دې ټول دی مينه مينه

غوړيدلې يوه غوټۍ ده

زما خيال بورايې طواف کا

مسکيدلې يوه غوټۍ ده

*****

د خيالونو په ورشو کې

لکه مسته د بنګ راغلې

نو سندره شوې ټپه شوې

يوه وږمه د ( لونګ ) راغلې

 

 

 

Rafiullah Stanikzai | Create Your Badge
د رفیع الله ستانکزي پاڼه - اړيکشمېره: 93700308908 + برېښليک: rafiullah.stanikzai@gmail.com